【史上唯一六輪F1】要買!Tamiya 遙控Tyrrell P34

Photos: Tamiya Japan世界一級方程式賽車(F1)愈來愈安全,傷亡事件愈來愈少,係好事。不過,唔少賽車迷都認同,而家安全、環保規管愈來愈嚴,好大程度上亦令F1比賽冇以前咁激烈同刺激。


所以,好難怪追隨F1多年嘅車迷,好迷戀70、80年代嘅經典F1賽車。 其中,F1史上唯一一款六輪賽車——泰利爾(Tyrrell)車隊P34,更令人津津樂道。採用較小尺碼嘅輪胎,有助減少亂流,亦可以增加直路上嘅速度;當然,轉向系統亦因此變得複雜咗。無論點,P34夠膽想,亦做得出,的確係厲害,前無古人,後無來者。



呢部建基於田宮(Tamiya)F103底盤嘅P34,後輪驅動,已經喺七月下旬發售。車身有啲日文,唔係田宮設計師手痕加多筆,而係呢款P34,曾經出戰1976年世界一級方程式錦標賽日本分站(富士跑道),廠方話大尾翼規格都係跟返當時落場specs。咁像真嘅P34,我就唔捨得拎落街「放車」,喺屋企個廳郁吓就算,不過,四輪轉向(前輪)喺室內會唔會冇咁好軚呢?



本篇
不想錯過? 請追蹤FB專頁!    
前一頁 後一頁
追好文 :) 點個讚吧!
支持網站營運,有空請觀看一下我們的贊助商
1